Monday, March 17, 2014

Erwtensoep cu toke Arubiano

Erwtensoep of Snert ta tradicional di Hulanda.
E receta aki ta uno cu mi ta uza hopi y ta hopi facil.


Ingredientenan pa 7 liter di erwtensoep:

  • 120 gram di bacon corta chikito
  • 100 gram boter (Real Butter, no margarine)
  • 2 ciboyo mediano corta chikito
  • 5 taki celder corta chikito
  • 3 wortel mediano corta 
  • 5 batata corta na bloki chikito (2cm x 2cm)
  • 2 paki di erwten, split pea
  • 4 Rookworst corta na schijfjes
  • 4 pa 5 bouillon di berdura
  • Salo y pepper na smak

Habri e pakinan di erwten y laba e erwten den un baki cu awa. Cambia e awa 2 pa 3 biaha.

Den un wea di sopi grandi, pone e butter smelt. Pone e bacon corta chikito hasa den e butter. Agrega e celder, ciboyo y wortel. Pone salo y pepper na gusto. Ora e cibiyo cuminsa bira doorzichting (translucent) agrega e erwten y mescla esaki bon.

Agrega awa pa tapa cu e ingredientenan. Tira e bouillonnan di berdura y laga e sopi cushina pa 2 ora. Cada 15 minuut tira bista pa wak e awa no baha mucho. Agrega awa si mester.

Ora e erwten cuminsa bira moli agrega e rookworst y batata corta na bloki. Laganan cushina pa 15 minuut. Check e batata si esaki ta moli.

 Purba bo sopi y si mester agrega salo y pepper na gusto.


Bon provecho.


Monday, August 12, 2013

Homemade Pasta

Esaki ta un receta hopi facil y por wordo traha den mitar ora. Ami ta uza Kitchenaid Standmixer pa hasi e trabou.

Ingredientenan:
  • 3 webo grandi di galinja
  • 1 cuchara di awa
  • 3 cup di harinja blanco sefta
  • un tiki salo 

Pone tur cos den comchi di e mixer y mix pa 1 minuut. Pone e dough hook y mansa pa mas o menos 2 minuut. Bolter e mansa riba e cuttingboard cu un tiki harinja riba dje. Mansa esaki na man pa 30 seconde y lage para pa 15 minuut.

Bo por uza un pasta extruder of pasta machine pa forma bo pasta.

Herbe e pasta pa 7 minuut den awa, salo y azeta di oleifi. 

Enjoy...

Soppi di Cabrito

Ingredientenan:


  • 1 liber di carni cabrito
  • Lamoenchi
  • 3 Tomati
  • 1 ciboyo mediano
  • 5 pida ciboyo largo
  • 2 pida konoflok
  • 3 taki selder 
  • 3 batata
  • Vermicelli
  • roecoe
  • 3 ½ liter di awa

Laba e carni cabrito cu e lamoenchi. Pone e cabrito hunto cu salo na candela pa mas o menos un hora. Corta e ciboyo, tomati, konoflok, selder y ciboyo largo chikito y agrega esaki na e cabrito. Corta e batata na bloki y agrega na e sopi. Uza e roecoe pa duna e sopi color.

Bon provecho