Wednesday, November 29, 2017

Comcomber chikito

Buska comcomber hinka den un baki ku awa kita e steel y dilanti tin un cabei asina kita tambe, djei bo ta koi un cuchiu raspa su stekel nan laba nan y korta nn den 6 of 8  den largo.

Djei bo ta laba nan 2 of 3 biaha saka simija

Basha awa afo buta un banda. Mi ta buta rabo (labe kita poko salo y vet) carni stoba y spare ribs steam nan saka nan buta un banda. Esaki mi ta hasi un dia prome.

Awor mi ta korta sibojo celery y wortel press 2 sneetje garlic, coi un weya buta manteca lage smelt tira e sibojo/ wortel/celery/garlic hasa nan un tiki dje tira comcomber/salo, tape te ora e bira moli tira ruku/cumin/nutmeg draai e check smaak. Djei tira bo rabo enz aden lage hanja smaak Apart bo ta herebe batata dushi y pampoena tira aden bo ta kla. Hala bo foenchi.

Receta di Hanna Vrolijk

Saturday, February 27, 2016

Sopi Calco

Sopi calco ta masha dushi y facil pa cushina. E reseta aki ta mas cu 50 aña bieu.

Ingredientenan:

  • 1 liber di calco, hasi limpi caba
  • 2 lamoenchi
  • 2 bouillon di galiña 
  • 2 liter di awa
  • 1 tomati 
  • 1 ciboyo corta nan bloki
  • 1 promenton corta na bloki
  • 1 konoflok corta chikito
  • yerba di hole fresco
  • 1 copi wortel, corta na bloki
  • 100 gram di Vermicelli 
  • Madame Jeannette

Preparation:

  1. Hasie e calco limpi y hasi'e moli dor di uza martiu di cushina. Corta e lamoenchinan den dos y frega e calconan cu e lamoenchinan. Corta e calco den bloki pa come (bite sized).
  2. Den un wea pone 2 liter di awa, bouillon di galiña y yerba di hole herbe. Agrega tomati, ciboyo, konoflok y promenton, corta na bloki, na e wea cu awa. Lage esaki herbe pa mei ora.
  3. Filtra e sopi y deshaci di e beduranan. Pone sopi cu 1 copi di wortel herbe pa aproksimadamente 20 minuut.
  4. Agrega e calco, Vermicelli y madamme Jeannette na e sopi. Laga e sopi herbe pa aproksimadamente 10 minuut mas of ora e calco ta moli. No herbe di mas, pasobra e calco por perde su smaak y bira duro.

Galiña Marokí

E receta aki ta favorito di Mena Kelly y mas tanto mi sa hasie den temporada di pasco, riba noche buena.

Ingredientenan:

  • 1 galiña henter corta na bloki
  • 2 teenchi di konoflok, corta chikito
  • 2 taki di celder corta na bloki
  • 1 ciboyo corta na bloki
  • 1 bleki di tomati corta den bloki
  • 10 pruim sin simiya
  • 1 bouillon di galiña (mitar liter awa)
  • 1 telep di kaneel
  • 2 wortel corta mas o menos 1 cm diki
  • 1 telep di puiro di paprika cora
  • 1 1/2 telep di comino
  • 1 telep di puiro di oregano
  • Juice di un lamoenchi
  • 1/2 telep di puiro di turmeric 


Preparacion:

  • Sasona e galiña cu salo y pepper. 
  • Den wea di hero hasa e galiña den azeta di oleifi te ora e ta casi cla. 
  • Saca e galiña for di e wea y pone un banda. Den mes wea agrega un tiki azeta di oleifi mas y hasa e ciboyo, konoflok, wortel y celder te ora e cibiyo bira tranparente. 
  • Agrega e juice di lamoenchi, comino, turmeric, oregano, paprika y kaneel den e wea. 
  • Añadi e bleki tomati y bouillon na e wea. 
  • Lage cushina pa 10 minuut y agrega e galiña. 
  • Lage cushina pa 15 minuut mas.

Bon probecho.