Ham di Pasco

Nos ta drentando e temporada di fin di anja. Un ham horna nunca lo falta.

Ingredientenan:

• Un ham mediano
• 1 cup di honing
• 1/2 cup di suco bruin
• 1 bleki chikito di anasa corta na slice
• Cherries den nan mesun awa
• Clabo

1. Ami ta kita e cuero diki y corta vet afor di e ham. Si abo guste cu mas vet, no problem. Herbe e ham pa mas o menos mei ora. 
2. Pone den un baki horna y scherf ariba den forma di bloki (vierkant). Pone horna pa mei ora pa e saca su awa.
3. Mix e honing, suco bruin, e awa di anasa y tres cuchara di e awa di cherry. Den e scherfnan cu bo a hasi riba e ham pone clabo den dje, ongeveer 2,5 cm fo'i otro. Hunta e ham cu e mix y pone den forno pa mei ora mas. 
4. Keda check e ham, basha e mix cu ta den e baki horna riba e ham te ora e hanja e color cu abo ta desea.

Enjoy

Keshi Yena

Temporada di fin di anja ta drentando atrobe. Esaki ta un receta net pa e temporada aki. E no ta dificil. Purba cushiné y laga bo commentario.

Ingredientenan:

• 1 liber di galiña hila, usa pia (dark meat) pasobra e tin mas smaak
• 2 tomati corta na bloki chikito
• 1 promenton grandi corta chikito
• 1 ciboyo grandi corta chikito
• 1 taki di celder mericano
• 2 bay leaf
• 10 pepper corns
• 1 cup di cashupete, kibra nan
• 3 cuchara di alcapara
• 3 cuchara di oleifi cu pimiento corta den mitar
• 1 cuchara di oleifi preto corta den mitar
• 2 telep di pasta di tomati
• 1/4 cup di rasenchi
• 1 liber di keshi belegen
• 3 cuchara di manteca
• Salo y pepper na smaak

Season e galiña cu adobo, salo y pepper. Hasa e galiña un tiki te ora e bira bruin. Agrega awa, pasta di tomati, ketchup, celder mericano, Bay leaf, pepper corns y un boullion vegetal. Lage e galiña stoba pa mas-o-menos 25 minuut. Lage fria y hila e galiña. Warda un tiki sauce pa usa despues.

Pa esnan floho (Rick and Nops) bo por usa tuna na lugar di galiña.

Pone e manteca keinta den un planchi grandi. Agrega tomati, ciboyo, promenton, alcapara, oleifinan, rasenchi y cashupete den e planchi. Hasanan riba candela abou. Ora e cibiyo bira translucent, agrega e galiña y un tiki sauce. Mescla tur cos bon.

Pone den un baki fornu di glas mitar di e keshi den un laag. Agrega e mescla y tapa cu un laag di keshi atrobe. Pone den forno pa mas-o-menos 30 minuut na 350 grado.

Garlic bread na banda y bon provecho.

Rabo di baka stoba (Oxtail)

Oxtail stoba ta un cuminda cu nos a tuma over fo'i trahadonan di Lago.

Ingredientenan:

• 2 liber di rabo di baka (kita mas vet posibel)
• Batata
• Wortel
• Ciboyo
• Tomati fresco
• Celdery
• Nootmuskaat
• Comino
• Pepper (medley) y salo na smaak
• Soy sauce (premium)

 

Preparacion:

• Laba e rabo di baka bon pa kita mas vet posibel. 
• Season e rabo cu Nootmuskaat, Comino, salo y pepper. 
• Den un wea di steam pone azeta (ongeveer 2 cuchura) keinta. 
• Hasa (sear) e rabo te ora e hanja un color. 
• Sera e wea' steam y steam pa ongeveer 15 minuut. 
• Check si e rabo ta moli (no dimas).
• Corta e berdura na bloki. 
• Tira esaki hunto cu rabo y lage steam pa 5 @ 7 minuut mas. 
• Usa e soy sauce pa trese e rabo riba smaak.

Hala bo funchi y buen provecho

Lasanga di sausage y mushroom

Hopi hende gusta lasanga, pero esaki ta hopi trabou pa trahé. E reseta aki ta uno hopi facil y den mei ora bo ta cla pa mandé den forno.

Ingrendientenan:

• 2 cups di ciboyo corta
• 2 cuchara di seasoning italiano (thyme, oregano, parsley, ect.)
• 1 liber di HOT Italian sausage (bo ta hanje na Ling), kita e cuero
• 1 liber di crimini mushroom gesliced of usa portabello gesliced
• 3 teentje knoflook, primi
• 1 cup binja cora seco
• 4 1/2 cups di marinara sauce
• 250 gr di lasanga noodles (esun cu bo no mester herbe)
• 1 liber ricotta
• 1 liber keeshi raspa italiano (4 cups)

Den wea di hero pone 3 cuchara di olive oil kienta. Agrega e ciboyo, mushroom y seasoning italiano. Hasa te ora e ciboyo bira moli. Agrega e sausage y hase bon. Kibra e sausage den wea cu un cuchara grandi. Agrega e knoflook y e binja. Lage cushina te ora e binja evapora.

Usa 1/2 cup di marinara sauce den un baking dish (13x9x2). Pone e noodles riba e sauce y pone un cup di sauce riba e noodles. Agrega 1/3 liber di ricotta, 1 cup di keeshi italiano raspa y 1/3 di e sausage y mushroom. Repiti e proceso 2 biaha.

Cover e parti ariba di lasanga cu noodles, marinara sauce y resto di keeshi raspa. Horna e lasanga pa 45 minuut y lage para pa 15 minuut.

Corda riba garlic bread pa acompanja e lasanja

Bon provecho.

Hollandse Erwtensoep

Erwtensoep ta tradicional di nos madre patria pero nos sa hacie na Aruba tambe. Pa e biaha aki mi ta usa un reseta na hulandes pa no tin bruhamento den ingredientenan. Eet smakelijk.

• 300 gram groene erwten
• 200 gram spliterwten
• 3 liter water
• 500 gram varkenskrabbetjes
• 1 varkenspoot of varkensknieschijf
• 250 gram kinnebakspek
• zout of bouillontabletten
• 3 a 4 preien
• 1 knolselderij
• 2 flinke bossen bladselderij
• 1 of 2 rookworsten.

Laat de erwten en spliterwten ten minste 12 uur weken in ruim water, (langer mag ook). Gooi het weekwater niet weg, maar zet daarin de erwten samen met vlees en spek op het vuur. Breng de massa geleidelijk aan de kook en houd de soep ongeveer 2 uur tegen de kook aan. Schuim regelmatig af. Voeg zout toe (of bouillontabletten), de gewassen, in stukken gesneden prei en knolselderij, laat alles nog een uurtje doorsudderen op lag vuur. Haal met de schuimspaan vlees en spek uit de soep. Haal botjes eruit en doe het vlees terug in de soep. Snijd het spek in plakken, verwijder eventueel de zwoerd en doe het spek weer in de soep of bewaar het om later bij de soep op roggebrood te serveren. Wrijf de hele erwten met een houten lepel tegen de wand van de pan fijn, laat de soep op een laag pitje doorsudderen en voorkom door regelmatig roeren dat er er korst op de bodem van de pan ontstaat. Roer, als de soep bijna klaar is en de massa mooi glad en smeuïg de fijngesneden bladselderij erdoor, daarmee mag u best royaal zijn. Uw erwtensoep is nu klaar. Laat de rookworsten in een apart pannetje met water wellen, vooral niet koken! Is de worst klaar, snijd hem dan in plakjes en voeg die naar verkiezing toe aan de soep, of geef ze apart op het bord.

Balchi Salmon

Ingrediente:

• 3 webo
• 1 bleki Salmon den awa
• Siboyo corta chikito
• Promenton
• Madam Jeanette mitar corta chiki chiki
• Maggy sauce
• black pepper
• Soy sauce na smaak
• Ketjap manis na smaak
• 8 cuchara di hariña
• ½ cuchara di baking powder

Bati e 3 webonan tira e salmon cu su awa aden. Tira siboyo, promenton, madam Jeanette, maggy, black pepper, soy sauce y ketjap manis. Tira e 8 cuchara hariña y e baking powder, bruhanan hunto.Pone azeta hasa cayente, cu un cuchara di e mansa pone den e planchi lage hasa.

Hannah’s Boonchi cora cu rabo

E receta mi a haña fo’i di mi tanta. Mi a modifiké un tiki na mi smaak. 

Ingredientenan:

• 1 paki boonchi cora
• 2 liber rabo salo

• Pampoena corta na bloki
• Batata dushi corta na bloki
• Wortel
• Batata
• Siboyo
• Celery
• Knoflook

 

Preparacion:

• Bo ta laga bo boonchi y rabo di anochi den awa, e rabo bo ta cambia e awa pa e salo. 
• Bo ta steam e rabo cu knoflook. 
• Steam e boonchi cu knoflook, siboyo y celery.
• Ora e boonchi bira moli bo ta tira e wortel y batata, den mesun awa cu bo a steam e boonchi. 
• Ora e batata bira moli bo ta tira e rabo aden. 
• Herebe e pampoena y batata dushi apart y ora nan ta moli bo ta tiranan den e boonchi.

Hala funchi y bon provecho

Calco a la Parilla

E receta aki ta pa nos amigonan Nops y Randy, cu ta gusta e saus aki un mundo. Wak e grill ta cayente pa esaki.

• Calco
• Madame Jeanette
• Lamoentji
• Maggi (bastante)
• Conoflok
• Azeta Vegetal
• Salo y pepper na smaak.

Hasie e calconan limpi y bati nan cu un meat mallet, pone salo, pepper, madam jeanette y un tiki azeta vegetal riba nan.

Hasa nan "a la parilla" tur dos banda. (No laga nan hopi riba candela asina nan ta bira duro). Traha e saus di lamoentji, maggi, conoflok y madame jeanette y basha riba nan. Mas madame jeanette ta mihor.

Come cu pan bati y banana hasa.

Bon provecho

Calco Stoba I

Esaki ta un receta di nos amigonan di Bonairo.

Ingredientenan:

• 1 liber calco
• 1 ciboyo mediano, corta chikito
• 1 tomati grandi, corta den bloki chikito
• 3 batata mediano, corta na bloki
• 2 cuchara di manteca
• 1 cuchara di olive oil
• Nootmuskaat, currie, salo y pepper na smaak
• 1 boullion vegetal

Preparacion:

• Pone tur e ingredientenan, menos e calco, den un wea. 
• Hasa e ingredientenan un poco y agrega 1 cup (boullion) di awa. Laga nan smoor te ora e batatanan ta moli. 
• Tanten herbe awa den un otro wea. 
• Tenderize e calco door di usa un meat mallet. 
• Pasa e calco den e awa herbe, saque mes ora, scurie y pone hunto cu e otro ingredientenan y laga nan smoor 5 minut huntu y e ta cla.

Sirbie cu funchi y banana hasa.

Bon Provecho.

Pan Cubano of Medianoche

Pan Cubano of Sandwich Cubano ta un delicia pa esun cu a jega di purbe.

Ingredientenan pa un sandwich

• 3 slice di achterham
• 3 slice di roast pork
• 3 slice di Genoa salami
• 3 slice di keeshi Swiso
• 4 slice di augurk
• 1/3 stokbrood
• Dijon mustard
• Manteca

Corda bon, bo no por laga e roast pork afor.

Corta e stokbrood habri y hunte cu dijon mustard. Pone e ham, roast pork, genoa salami y swiss cheese. Agrega e augurk. Sera e pan y hunte cu e manteca. Pone den un planchi y press e pan plat.

Corte e pan den dos y bon provecho.

Sushi California Roll

Pa e amantenan di sushi, cuminsa roll.

Ingredientenan:

• Awacati
• Comcomber
• Crabmeat
• Gari
• Nori
• Aroz (prepara ala sushi style)
• Soy sauce
• Wasabi

Corta e awacati y comcomber den repi. Corta e nori den dos y pone e aroz riba dje (4 mm diki). Pone crabmeat, awacati y comcomber riba e aroz y cuminsa roll. E ta facil, pero mester di pratica.

Corta e roll den 6 pida y sirbie cu wasabi, gari y soy sauce.

Scampi

Scampi ta un cuminda hopi facil pa haci y tin diferente manera pa hasie. E receta akibou ta esun mas facil cu mi tin.

Ingredientes.

• 2 liber di cabaron cu cabez
• 6 cuchara di manteca
• 2 cuchura di olive oil
• 3 tenchi grandi di knoflook, corta chikito chikito
• 1/4 cup di parsley
• 3 cuchura di chives (ciboyin)
• Cayenne pepper na smak
• Salo y pepper na smak

Hasi e cabaron limpi lagando e cabez na dje. Season e cabaron cu salo, pepper y cayenne pepper na smak. Den un planchi di teflon pone e manteca, olive oil y knoflook hasa. No laga e manteca bira bruin of kima. Agrega e cabaron y laga hasa te ora e bira roos. Agrega e parsley y chives na final.

Wak bo tin suficiente stokbrood pa saboria e saus.

Bon provecho

Wonton Soup

No worry pa cumpra fried Wonton mas. Bo mes por hasie awor. E sopi aki ta masha facil pa hasie, ta solamente e trahamento di e Wonton ta tuma un tiki tempo.

Ingredientes:

• 150 gram di shrimp, sin cabes
• 100 gram di pork loin mula
• Un paki di wonton wrappers, pa e sopi aki bo mester di ongeveer 30
  
• 2 ciboyo chikito, corta fini fini
• 1 Bok-choy
• ¼ telep sesame oil
  
• 1 ½ cuchara di soy sauce
• 1 pida gember (gingerroot) di ongeveer 2 cm
• 1 liter di awa
• 2 bouillion vegetal of galinja
• ¼ telep di cornstarch (maizena)
  
• un tiki white pepper

Pa e sopi, pone 1 liter di awa herbe cu e gember, 1 cibyo corta chikito. Lage herbe riba candela abou pa mei ora. Agrega e bok choy

Combina e sesame oil, soy sauce y white pepper den un conchi. Agrega e cornstarch y lage disolve bon den e mescla. Corta e shrimp chikito chikito y agrege den e mescla. Agrega e pork loin mula y mescla tur cos bon.

Pone e wonton wrapper, e banda cu harinja abou, riba un cutting board. Agrega mei mei un telep di e mescla y seal e wonton door di muha bo dede cu un tiki awa. Tin diferente manera pa sera wonton. Usa e manera cu bo ta gusta mas.

Agrega e Wonton pa e sopi y lage cushina pa 5 minuut of te ora nan cuminsa float. Pone e Wonton soup den un bowl y garnish cu cibollin.

Bon Provecho.

Calco tempera

Ingredientenan:

• 1 liber di calco
• 3 ciboyo mediano
• 1 of 2 Madam Jeannete
• Awa cayente
• Salo y sucu

Preparacion:

Den e baki di plastic of conchi di glas grandi pone e ciboyo corta na renchi. Agrega e e madam Jeanette, salu y sucu (1 cuchara cada uno).

Pone u wea herbe cu awa y salo. Slice e calco den dos pida y tenderize e cu martiuw di cushina (meattenderizer). Pasa e calco den awa cayente. No lage herbe den e awa. Corta e calco den repi of bloki (depende di bo gusto) y tire den e baki plastic of conchi glas. Mix e bon.

Usa awa cayente pa traha e vinager. Ami personalmente mi ta tira ongeveer 40 ml di vinager puro den e baki plastic of conchi di glas. Tira e awa cayente den e baki y mix e contenido bon. Purbe pa sabor y si falta zuur agrega un tiki vinager acerca.

Enjoy.

Calbas largo stoba

Si bo por stoba carni, bo por stoba tur sorto di cuminda. The basics do not change….

Ingredientenan:

• Un calbas di ongeveer 3 liber
• 1 liber di carnisa
• 2 liber di carni stoba
• 2 ciboyo grandi corta na bloki chikito
• 1 promenton corta na bloki chikito
• 2 tomati mediano
• 1 ½ di pampoena
• 2 batata dushi chikito
• Manteca
• Rucu
• Pasta di tomati
  
• Nootmuskaat
• Comino
• Salo y pepper na smaak
• Bouillon vegetal ( 2 liter)

Preparacion:

Pone e carnisa den awa pa un ora. Season e carni stoba cu comino, pepper y salo.
Hasa e carni stoba den manteca te ora e bira un tiki bruin. Agrega e carnisa y tur berdura cu exception di e pampoena y batata dushi. Agrega e bouillon vegetal, nootmuskaat, ruco, pasta di tomati. Laga tur cos stoba pa 45 minuut riba candela abou. Check si e carni ta moli. Agrega e pampoena y batata dushi ora e carni ta moli y lage stoba pa 15 minuut mas.

Hasi bo funchi y bon provecho.

Tempura batter

Pa esnan cu ta gusta come sushi, esaki ta un tempura batter masha facil pa hasi.

Ingredientes:

• 1 webo
• 1 cup di awa di ijs (friew friew)
• 1 cup di harinja blanco

Bati e webo den un conchi, agrega e awa friew den e conchi y mix e harinja poco poco. No overmix.

Usa e batter aki pa tempura shrimp, sweet potato y brocolli.

Bon provecho

Ham riba grill

Ingredientes

• Ham di pasco corta na plak (+/- 1 cm)
• Coconut cream
• Sucu bruin
• Cherry Preserves
• Cherry (awa)
• Awa
  

Corta e ham den plak di ongeveer 1 cm diki.
Den un comchi pone mitar bleki di coconut cream, sucu bruin, cherry preserves, awa y awa cherry. Ami ta prefera e cherry preserves di Smuckers, ya cu nan ta mas natural.

Mix nan bon. Tira e mix riba e ham y lage overnight. Grill e ham riba carbon di palo.

Bon provecho

Keri Keri

4 persona

Ingredientes

• 2 lbs fillet di pisca
• Celdery
• Promenton grandi corta na bloki chikito
• Ciboyo corta na bloki chikito
• ½ tsp rucu
• Manteca
• Pepper
• 10 blachi basil

Den un wea grandi herbe e pisca den awa cu salo pa 20 minuut. Lage e pisca fria y garna e pisca.
Den un wea di hero hasa e celder, promenton, ciboyo y e blachinan di basil den manteca pa ± 3 minuut. Agrega e pisca y rucu lage hasa pa 5 minuut mas. Usa e pepper pa trese na smak.
Si bo kier hasi e kerikeri pica agrega ½ madam Jeanette ora bo ta hasa e celder.

Lomito den mushroom sauce

E receta aki ta pa 4 of 5 persona

Ingredientes

• 1 ½ liber di Lomito (bara)
• Shitaki mushroom
• Ciboyo
• un bleki di Cream of Mushroom
• Oyster sauce
• Peper fresco (peppermill)
• Salo Kosher (salo bruto)
• Azeta di Oliva

Corta e lomito den plaknan di 2 cm y season nan cu peper y salo.
Corta e Shitaki mushroom den repi. Corta e ciboyo den pida mediano.
Hasa e lomito den un tiki azeta di Oliva. Den mesun planchi bo ta hasa e ciboyo prome y despues bo ta tira e Shitaki mushroom den dje. Agrega 3 cuchara di Oyster Sauce y mescla den e mushroom y ciboyo. Agrega e cream of mushroom e draai e saus. Bo por tira un tiki awa den dje pa hasie e saus mas fini. Tira e lomitonan hasa den e saus y lage e cushina pa 3 minuut.

E cuminda aki ta bay bon cu batata machica of un batata horna (baked potato) y brocolli cu saus di keshi.

Bami Goreng

E receta aki ta pa 5 persona
Ingredientes

• 1 paki Bahmi noodles 500 gr
• ½ liber porkloin corta chikito
• ½ liber pecho galinja corta chikito
• Ketjap Manis
• Ketjap Asin
• Trassi
• 2 teentji knoflook corta chikito
• 1 ciboyo mediano corta chikito
• 2 wortel mediano raspa
• 1 paki bahmi groenten
• Azeta vegetal
• Garlic powder
• Sambal Oelek of Sambal Brandal
• Banana hecho
• Harinja Blanco
• Baking powder
• Suco (bruin)
• Vanilla

Herbe e bahmi noodles pa 10 minuut te ora e ta al dente. Season e porkloin y galinja cu garlic powder. Hasa e porkloin y e galinja cu un tiki azeta vegetal den un wea grandi di hero. Tira e knoflook, ciboyo y wortel raspa acerca. Lage e hasa pa ± 3 minuut. Tira e bahmi groente acerca y lage hasa un tiki, e awa di e groentemix mester evapora. Tira e trassi aden y zorg pa e trassi desolve bon. Tira ketjap asin y ketjap manis na smaak. Tira sambal oelek of sambal brandal acerca.
Den mesun wea cu bo a hasi e e porkloin y galinja bo ta cuminsa poco poco agrega e bahmi noodles. Ora e bahmi ta bon gemix bo ta tira Ketjap (Asin of Manis) acerca pa dune color y smaak.

Corta e banana na schijfjes. Den un comchi bo ta mix 1 tlp di baking powder, 6 cuchara di harinja blanco y 2 cuchara di suco bruin. Agrega 1 tlp vanilla. Agrega awa na e mix te ora e bira manera un batter/ papa. Tira e schijfjes di banana den e comchi y hasanan den azeta cayente.

Bo por pone acerca di cuminda aki Kroepoek.

Cibojo pika - Tempera

E ciboyo pika ta bai bon cu pisca hasa of use pa tempera ham, spam y seafood

Ingredientenan

• 3 ciboyo mediano cora
• un of dos tenchi knoflok
• Awa cayente
• Essencia di Vinager
• Madam Jeanette
• Sucu y salo na smaak

Corta e ciboyo den renchi of chikito depende bo smaak. Corta e knoflok masha chikito. E madam Jeanette ta wordo corta chikito chikito of grandi si bo ta pensa di sake despues pa no hasie mucho pika. Mescla e ciboyo, knoflok y pika den un bowl di plastic of glas agrega e salu y sucu. E verhouding di vinager pa awa cayente ta ongeveer 1:8. Bo por hunga cu verhouding si bo kier e zuur mas skerpi of menos zuur.

Si bo ta bay tempera ham of spam bo ta agrega un paar di clabo aden. Si bo ta tempera pisca (hasa) pone dos bladchi di laurel y un paar di clabo aden.

Bon provecho

Pan bati

Pan bati ta baha bon cu pisca hasa y saus criollo.

Ingredientes

• 1/2 cup di harinja blanco
• 3 cuchara di harinja geel
• 1 telep di baking powder
• 1 cuchara di lechi
• 1 cuchura di sucu
• 1 cuchura di salu
• Awa
• Azeta

Mescla tur e ingredientenan seco den otro. Agrega awa den e mescla te ora e bira un batter un tiki fini. Pone un casuela (un planchi di teflon tambe ta juda) na candela y hunta esaki cu azeta. Bati bo pan y bon provecho.

Chimichuri

Chimichuri ta bai bon cu tur carni y hasta cu pan getoast mes.

Ingredientes:

• Parsley
• Cilantro (mitar di parsley)
• 2 pa 3 bladchi di oregano fresco (Arubiano)
• 3 pa 4 jalapenjo/ 1 pa 2 madam jeanette
• 1 ciboyo cora mediano
• 2 teenchi di konoflok
• 1/4 cup di red wine vinegar
• 3/4 cup di extra virgin olive oil
• salo y peper pa smak

Corta tur ingredientenan chikito of usa un foodprocessor pa hasi esaki. Anjadi e azeta y vinager y bo ta cla.

Cabrito stoba

Ingredientes

• ½ liber carnisa1
• ½ liber di kabrito
• 2 cibyo mediano corta fini
• 2 teenchi knoflook corta fini
• 1 promenton corta na bloki
• ½ madam Jeanette corta fini fini
• 2 tomati pela y corta den kwater
• 1 tsp suco
• ¼ tsp nootmuskaat
• 2 tbs rucu
• Lamoenchi
• Salo y pepper

Laba e carnisa, kita e vet y pone herbe pa 15 minuut. Cambia e awa un biaha. Corta e carnisa den pida (bite size).E cabrito bo ta season cu salo, garlic powder, onion powder, nootmuskaat y pepper. Tambe agrega na e season english sauce.Hasa e cabrito hunto cu promenton, ciboyo, knoflook y tomati pa 15 minuut. Agrega e carnisa y si mester un tiki awa. Cushina e cabrito te ora nan ta casi cla. Agrega e batata y pasta di tomati. Cushina te ora e batata ta moli.

Onion soup / Sopi di ciboyo

Ingredientes

• 2 lbs di CiboyoManteca (125 gr)
• Boullion vegetal (2 ½ liter)
• Croutons
• Jongekaas slice
• Soy Sauce
• Corta e ciboyo na renchi.

Den un wea di sopi pone e manteca smelt y agrega e ciboyo corta. Lage hasa te ora e ciboyo bira translucent. Agrega e boullion vegetal cu tawata herbiendo caba. Lage cushina pa 10 minuut y agrega e soy sauce na smaak.Den un bowl of copi cu por bay den broiler bo ta basha e sopi, agrega e croutonsnan y tape cu dos slice di jonge kaas.

Pone e bowl of copi den broiler pa 2 @ 4 minuut.

Pisca hasa crioyo

 

Ingredientenan:

• 2 kilo di Mulato of cualkier otro pisca corta na mochi
• Salo di Boneiro
• Azeta vegetal
• Siboyo corta na renchi
• Conoflok corta chikito
• Promenton corta na repi
• Tomati corta na bloki chikito
• Ketchup
• Binager destila (5%)
• 1 telep sucu blanco

Preparacion:

Semper laba pisca den awa cu salo y nunca den awa so. Seca e pisca cu kitchen towels. Season cu salo di Boneiro y laga e para pa 5 minuut. Hasa e pisca den azeta vegetal.

Den wea mediano pone un tiki azeta cu bo a usa pa hasa e pisca kienta. Tira e conoflok, siboyo, promenton y tomati den e wea y hasa nan te ora e siboyo bira moli. Tira ketchup, awa y sucu den e saus. Uza e binager pa trece na smaak.

Hala un funchi, hasa banana y bon probecho.

 

Carni Stoba

Ingredientenan:

• 1 ½ lbs di carni stoba
• Margarina of manteca
• boullion
• Batata
• Wortel
• Promenton
• Ciboyo
• Adobo
• Cumino
• Rucu (tiki)
• Comcomber chikito (optional)

Preparacion

Season e carni cu Adobo y Cumino lage para pa 15 minuut prome cu bo hasie. Den un wea di steam bo ta smelt manteca y hasa e carni den dje pa dune un color. Tira e promenton y ciboyo den e wea. Bo ta tira 1 ½ cup di awa y boullion di carni. Na lugar di usa 1 boullion bo por usa Oyster sauce tambe, 3 cuchara lo ta suficiente, depende bo smaak. Agrega e rucu. Bo ta steam e carni pa ± 20 minuut.

Corta e batata den bloki grandi y e wortel den schijfjes. Tiranan den e wea y steam nan pa ± 4 minuut. Check e sabor y si falta salo tira un tiki maggi den dje. Si bo ta gusta comcomber chikito agrega esaki hunto cu e batata y wortel pa steam.
Pa hasi e stoba diki djes usa un tiki maizena den awa (1 cuchara den mitar copi awa).
Hala un funchi, hasa banana y bon provecho

Sopi Pisca

Ingredientenan:

• 1 kilo di Mulato of piska cora
• 1 ½ liter di awa
• 1 ciboyo mediano corta bloki
• 1 promenton corta na bloki
• 1 tomati mediano corta na bloki
• 2 wortel grandi corta na bloki
• 2 batata corta na bloki
• 2 pa 3 stengel di celder mericano corta chikito
• 1 blachi Oregano fresco corta fini fini
• 2 cuchara di pasta di tomati
• 2 cuchara di manteca
• 1 madam Jeanette
• Salo y pepper na smaak
• Vermicelli ta optional

 

Preparacion:

Hasa e berduranan, cu exepcion di e batata, den manteca te ora nan bira moli. Agrega e awa, pisca, batata, tomato paste, (Vermicelli) y madam Jeanette. Lage cushina te ora e batata bira moli.

Bon provecho

Comcomber stoba

Ingredientenan:

• ½ liber carnisa
• 1 liber carni stoba
• 1 liber comcomber chikito
• Azeta di Oleifi (olive oil)
• 1 ciboyo grandi corta chikito
• 2 teentje knoflook corta chikito
• 1 bleki chikito di plum tomato
• ½ madam Jeanette corta fini fini
• Manteca
• Salo y pepper na smaak

Preparacion:

Laba e carnisa, kita e vet y pone herbe pa 15 minuut. Cambia e awa un biaha. Corta e carnisa den pida (bite size).
Den un wea di hero smelt manteca y hasa e e carni stoba, knoflook, ciboyo y madam Jeanette. Pasa e plum tomato door un sefta y agrege na e stoba. Agrega e carnisa y trese na smaak cu salo y pepper.
Laga tur cos stoba pa 2½ ora. Si mester agrega awa den e stoba.
Hasi e comcomber limpi y agrege na e stoba. Lage stoba pa ± 1 ora mas.

Sopi Mondongo

Ingredientenan:

1. 1 ½ lbs di Mondongo
2. 1 ½ lbs di weso blanco
3. Pampoena
4. Batata dushi
5. Yuca
6. Wortel
7. Banana hecho
8. Vegetable soup mix
9. Boullion
10. Cibojo (corta chikito)
11. Celdery
12. Promenton
13. Corn on the cob (bleki grandi)

 

Preparacion:

Laba e mondongo 2 pa 3 biaha den awa cu vinager puro (2 tsp pa gallon di awa). Corta e mondongo den repi of bloki chikito y tire bek den awa. Laba e weso blanco tambe den awa cu vinager (1 biaha).

Den un wea di steam bo ta pone 1 ½ cup di awa, e weso blanco, dos boullion di carni, ciboyo, promenton y celdery. Lage steam pa ± 20 minuut.

Den un wea grandi di sopi bo ta pone 4 liter di awa herbe. Agrega e vegetable soup mix y 2 boullion di carni. Corta cada maishi den 5 pida y tire den e sopi.
Corta e pampoena, e yuca y e batata duchi den bloki mediano. Partinan den dos portion. Tira un portion den e sopi. Corta e banana den schijfjes y tira mita den e sopi. E otro mita di pampoena, batata dushi, yuca y banana ta wordo tira ora e mondongo ta bai den e sopi. Lage sopi herbe te ora cu e berduranan cuminsa desolve.
Ora e weso blanco keda cla, bo ta sake di e wea di steam y tire den e sopi. E awa (boullion) di e wea di steam ta wordo usa atrobe pa e mondongo corta na repi. Agrega 1 cup di awa acerca si mester. Tira e mondongo den e wea di steam hunto cu 1 boullion di carni. Lage steam pa ± 20 minuut.Ora e mondongo ta moli, bo ta sake for di wea di steam cu un strainer. Si bo kier usa e awa di wea di steam den e sopi, pero e hasie mas vet. Tira e resto di mita di pampoena, batata dushi, yuca y banana den e sopi. Lage e herbe te ora e berduranan ta moli.

Si bo kier e sopi cu sabor di pica, tira un madam Jeanette sin corta den dje y lage herbe pa ± 14 minuut. Si bo corta e madam Jeanette, e sopi por bira demasiado pica.

Bati pan y bon provecho

Boonchi Cora cu rabo

Ingredientenan:

• 1 paki boonchi cora
• 1 liber rabo salo
• 1 liber carnisa
• Pampoena
• Batata dushi
• Wortel
• Batata
• Siboyo
• Celery (celder mericano)
• Knoflook

Preparacion:

Bo ta laga bo boonchi y rabo di anochi den awa, e rabo bo ta cambia e awa pa e salo. Bo ta steam e rabo cu knoflook. Steam e boonchi cu knoflook, siboyo y celery.
Ora e boonchi bira moli bo ta tira e wortel y batata, den mesun awa cu bo a steam e boonchi. Ora e batata bira moli bo ta tira e rabo aden. Herebe e pampoena y batata dushi apart y ora nan ta moli bo ta tiranan den e boonchi.

Hala funchi y bon provecho