Galinja den binja "Coq au Vin"

E reseta aki mi a test siman pasa. E ta algo diferente y ta hopi bon.

Ingredientenan:

• un galinja hente, ongeveer 3 liber corta den 6 pida.
• 3 plak di bacon, corta chikito
• 10 cibiyo chikito "pearl onions"
• Azeta di oleifi
• 3 bay leaf
• 2 telep di thyme
  
• 2 teentje konoflok, corta chiki chiki
• Harinja blanco
• 1 cup di mushroom corta den cuater
• mitar cup di binja cora, usa un bon binja.
• un quart cup di lamoenchi
• Bouillon di galinja

Corta e galinja den 6 pida y labe bon den awa cu vinager of lamoenchi. Den un wea di hero pone 2 cuchara di azeta di oleifi kienta y agrega e bacon. Pasa e galinja den e harinja blanco. Ora e bacon hanja color agrega e galinja. Agrega e konoflok corta chikito. Hasa e galinja te ora e hanja un color bruin y agrega e mushroom y ciboyo. Agrega e lamoenchi y binja cora. Ora e cuminsa herbe agrega e bay leaf y bouillon di galinja. Lage cushina riba candela abou, ongeveer 45 minuut of ora e e sauce bira diki.

Corta un pan frances/ stokbrood den slice, hunte cu manteca "real butter" y hase den un planchi. Sirbi esaki cu e Coq au Vin y batata machica.

Enjoy.

Kool stoba cu spareribs

Pa tur e amantenan cu cuminda rubiano esaki ta un reseta hopi fasil mes.

Ingredientenan:

• 3 bara di spareribs, hasinan bon limpi
• Un kool di ongeveer 2 liber
• 1 ciboyo grandi, corta na repi
  
• 1 promenton berde grandi, corta na bloki
  
• 1 teentji di konoflok corta chiki chiki
• 2 paki di SAZON GOYA con Azafran
• 3 cuchara di ketchup
• Soy sauce Lite na smaak
• 3 batata grandi (optional) corta na bloki grandi
  

Hasi e spareribs limpi y cortanan individual. Season cu Goya. Den un wea di hero pone 4 cuchara di azeta di oleifi kienta. Ora e ta cayente pone e ribsnan hasa den e wea. Usa un palo di funchi pa draai e ribsnan te ora nan hanja un color bunita. Agrega e konoflok, ciboyo y promenton. Mix nan bon. Tira e cucharanan di ketchup y soy sauce na smaak.
Corta e kool den dos y saca e curazon. Corta e kool na repi di ongeveer un centimeter. Laba e kool den awa pa saka e gas cu e tin. Agrega e kool na e wea y tapa esaki. E kool mes ta saca suficiente awe pa stoba e ribsnan. Agrega e batatanan. Lage stoba te ora e batatanan bira moli. Check e smaak y si mester agrega e mas ketchup of soy sauce.

Hala bo funchi y bon provecho.

Galinja Stoba cu Kool Chines

E reseta aki ta ora bo ta cushina 5 a 6 cuminda pareuw y tin biaha ta resta cierto ingredientenan y bo ta cuminsa expirementa. E reseta ta pa 4 hende

Ingredientenan:

• 12 drumsticks
  
• 2 paki di SAZON GOYA con culantro y anchiote
• 1 paki di SAZON GOYA picante (jalapeno y chipolte)
• 1 promenton mediano cora corta na bloki
• 1 promenton mediano berde corta na bloki
• 1 ciboyo dushi (sweet onion) corta na bloki
• 2 cup di baby carrots
  
• 2 cuchara di tomato paste
• Mitar kool chines
• 2 cuchara di oyster sauce
• 4 batata cora corta den cuater.

Season e galinja cu e akinan di goya y agrega azeta oleifi. Hasa e galinja den un wea di hero te ora nan hanja un tiki color. Agrega e ciboyo dushi, e promentonnan, batata cora y baby carrots. Laganan stoba pa 10 minuut y despues agrega e dos cucharanan di tomato paste y oyster sauce. Lage stoba pa 20 minuut y agrega e kool chines

Enjoy y bon provecho