Ultimate Guacamole

Vacation is good. E reseta aki ta easy to make y e no ta commercial.

Ingredientenan:

• 3 awacati chikito te cu mediano
• un paar di taki di cilantro, corta fini fini
• mitar cup di cibiyo corta chikito, preferibel sweet onion
• un serano chili of jalapeno, corta chikito
• juice di un lamoenchi
• Salo na smaak

Preparacion:

• Corta e awacati na bloki chikito. 
• Combina tur ingredientenan bon door di otro. 
• Machica e ingredientenan si mester. 
• Pone salo na smaak. 

Enjoy.

Si bo kier rende e guacamole usa mayonaise, pero esei ta hasie commercial si.

Chicharrones saus

To much time on my hand..

E saus aki bo por usa riba hot dogs, chicharrones, galinja riba grill of hamburgers.

Ingredientenan:

• 3 cuchara di mustard
• 3 cuchara di Sambal
• 4 cuchara di Soy Sauce
• 3 cuchara di awa
• 3 cuchara di honing

Mescla e ingredientenan bon y enjoy..

Y pa mi amigonan cu gusta kick it up a notch, pone madamme Jeanette den dje. Pica hoy, pica mayana...

Gaucho Steak y Chimichurri

My friends, esaki ta un must do nan e next BBQ.

Ingredientenan:

• 2 liber di skirt-steak, corta den 3 of 4 pida igual
  

• Azeta di Oliefi
• Juice di 2 lamoenchi
• 1 cup y mitar di Parsley
• 8 teenchi di konoflok, machica y corta chiki chiki
• 2 shallots, corta chikito
• 2 cuchara di Basil
• 2 cuchara di tijm
• 2 cuchara di oregano
• Salo y pepper na smaak

Mescla tur e ingredientenan di chumichurri. Parti e chimichurri den dos baki. Usa un baki pa marinate e skirt steak pa por lo menos 2 ora.

Sende bo grill (wood charcoal please) y ora esaki ta medium to hot bo ta pone e skirt steak riba dje (5 pa 7 minuut cada banda) y ta cla.

Enjoy esaki cu bo chimichurri.

Nops, e ta skirt steak y no k#@%tsteak.

Grouper Fillet Five Spice

Ora bo tin vakantie berdad bo hanja tempo pa lesa y experimenta cu cuminda. Esaki ta un receta hopi facil mes cu mi a hanja den Eating Well Magazine y mi a modifica'e.

Ingredientenan:

• 1 liber di grouper fillet
• un telep di Chinese five spice
• un kwart cup di low sodium soy sauce
• 3 cuchara di sucu bruin
• 2 cuchara di azeta di oleifi
• 3 ciboyin corta fini

Preparacion:

• Season e grouper fillet cu chinese five spice y pone un banda pa 15 minuut.
• Den un comchi bo ta pone e soy sauce y sucu bruin hunto y mescla esaki bon.
• Den un planchi di teflon/ anti stick bo ta pone e azeta di oleifi y laga kienta.
• Hasa e filletnan pa 3 minuut cada banda. 
• Baha e candela y agrega e mescla di soy y sucu bruin. 
• Laga esaki cushina te cu ora e liquido bira mitar of diki. 
• Agrega e ciboyin y enjoy.

Balchi Pisca

Esaki ta un reseta hopi facil saca fo'i un buki di receta di huishoudschool di anjanan 50. Riba peticion di Anthony mi ta trece esaki. Si un di boso tin uno please pone como comment riba e post aki.


Ingredientenan:

• 1 liber di pisca
• Lamoenchi
• 1 ciboyo mediano, corta chikito chikito
• 2 tomati, corta chikito chikito
• 2 taki di celder mericano corta fini fini
• Peterselie
• 1 teenchi konoflok, corta chikito chikito
• Nootmuskaat na smaak
• Salo
• Magarina
• Pan blanco 2 dia bieuw
• Paneermeel

 

Preparacion:

1. Laba e pirca den awa cu awa y lamoenchi
2. Den un wea pone e margarina, ciboyo, nootmuskaat, konoflok, tomati, salo y celder hunto cu e pisca smoor riba un vlam chikito
3. Toast 4 sneechi pan. Den un comchi grandi kibra esakinan mas chikito posibel. Bo por usa paneermeel pa easki
4. Ora e pisca ta cla, garna esaki y agrega esaki den e comchi di pan getoast. Bruha esaki door di otro. Agrega un tiki di e liquido (cu e berduranan) cu bo a usa pa smoor e pisca na e comchi.
5. Traha e balchi di e mescla di pisca y pan getoast
6. Hasa e balchinan den margarina te ora nan bira bruin

Un cos bon di e reseta aki cu por usa e tunafish of salmon den bleki pa traha e balchinan.

Enjoy y lagami sa con e la bai..

Chop Suey

Riba request di Dufi y Meme mi ta pone e reseta aki. Chop Suey ta un cuminda hopi saludabel y toch basta facil pa hasi.

Ingredientenan:

• Un Kool mediano
• Un ciboyo (sweet onion) grandi
• Un Promenton berde
• 2 pida celder
• 250 gr. di Mushrooms corta na slice
• Ciboyin
• Brocoli
• 250 gr. Snow peas
• 3 cuchara di Soy sauce -LITE-
• 2 cuchara di Oyster sauce
• 1 telep di sesame oil

 

Preparacion:

1. Corta tur e ingredientenan den e tamayo desea y pone nan un banda.
2. Den un wok kienta azeta vegetal y e sesame oil.
3. Cuminsa agrega e kool, promenton, ciboyo, celder y brocoli.
4. Agrega e e mushroom y snow peas
5. Tira e Soy y Oyster sauce y mix tur cos bon.

That was it. Enjoy

Crisp Fried Fish Fillets Oriental

Esaki pa mi amigonan cu ta gusta cuminda japones. Rik you must try this, it's so easy.

Ingredientenan:

Saus

• 1/3 cup di Soy sauce -lite-
  
• 2 cuchara di white wine vinegar
• 1 cuchara di gember fresco corta chikito chikito
• 1 cuchara di suco

Pisca

• 2 liber Filet di pisca, preferibel grouper, corta den vierkant
  
• 2 webo
• 2 cup di paneermeel of breadcrumbs
• Corn starch (Maizena)
  
• 1/4 cup di sesame seeds
• Azeta

Den in wea chikito pone e soy sauce, vinager, suco y gember hunto y lage cuminsa cushina riba un vlam abou.

Whisk (bati) e dos webonan den un comchi y pone un banda. Den un baki pone e paneermeel y sesame seed hunto y mix nan bon. Den un tayo pone e cornstarch.

Corta e pisca den vierkant, pase den e cornstarch despues e webo y pa final den e paneermeel.

Hase e pisca den un planchi cu azeta pa 2 minuut cada banda. Saca e pisca pone riba un kitchen towel pa drain e azeta. Pone ariba un tayo y basha un cuchara di sauce riba dje.

Enjoy

Beef Asparagus

Esaki ta un receta masha fasil mes.

Ingredientenan:

• 750 gr Lomito (125 pa persona), corta fini fini, manera un cutsmall
• 750 gr Asparagus berde, corta den pida di 5 cm
• 3 teentje di konoflok, usa un garlic press pa corte chikito of hasie na man.
• 2 telep gember fresco, tambe pasa via un garlic press
• 4 cuchara di Soy Sauce -Reduced sodium- of -LITE-
• 3 cuchara di azeta vegetal
• 1 telep di Sesame oil, tene cuenta cu e azeta aki ta masha overheersend.
• 1 telep di Maizena/Cornstarch

 

Preparacion:

1. Den un baki di hero of glas pone e konoflok, gember, azeta vegetal y sesame oil hunto y mescla esaki. Agrega e Soy sauce mescla esaki bon. Pone e carni den e sauce aki y lage pa por lo menos mei ora.
2. Pone un wok kienta hunto cu 2 cuchura di Azeta di oleifi y ora e azeta ta cayente cayente. Hasa e lomito pa un minuut y pone na banda. Warda e mescla cu bo usa pa marina e carni.
3. Den e mesun wok agrega e asparagus y hasanan te pa 3 minuut ongeveer.
4. Agrega e Lomito na e asparagus
5. Agrega un telep di maizena den e mescla cu bo usa pa marina y agrega esaki na e asparagus. Lage cushina pa 2 minuut y ta cla.

Enjoy

Spareribs cu Comcomber stoba

Ingredientenan:

• 3 liber di comcomber chikito
• 3 liber (4 bara) di spareribs
• 4 teenchi konoflok
• 1 ciboyo grandi, corta chikito
• 1 promenton berde chikito, corta chikito
• 1 promenton cora chikito, corta chikito
• 3 taki di celder corta chikito
• 1 blachi di oregano fresco (of 1 telep di puiro)
• 1 telep di curry
• 1 telep di comino
• 1 telep di nootmescaat
• 2 batata dushi mediano
• 1 pampoena (1 liber)
• Soy sauce -reduced soduim-
• 2 cuchara di tomatoe paste -No salt added-

Hasi e spareribsnan limpi y cortanan den pida individual. Season e spareribsnan cu e konoflok curry, comino, nootmuscaat, oregano, celder y soy sauce. Lage para pa ongeveer 15 minuut y den wea di hero grandi pone e azeta di oleifi kienta y agrega e spareribsnan. Hasanan te ora nan hanja color. Agrega e tomatoe paste y un cup di awa.

Hasi e comcombernan limpi. Esaki ta e trabou mes. Agrega esakinan hunto cu e promentonnan cortta na e e spareribs y lage stoba pa 15 minuut. Agrega e pampoena y batata dushi na e stoba e lage stoba te ora e pampoena bira moli. Check e smaak y si mester ta agrega un tiki soy sauce mas.

 

Hala bo funchi y listo. Bon provecho.

Sopi forsa -Sopi Weso Blanco-

 

Antes e sopi aki tawata wordo cushina pa e hombernan cu tawata traha den cunuco, hasiendo trabou di homber. Pa e temponan aki e sopi aki ta mucho fuerte. Pero e ta vale la pena pa trahe bes en cuanto.

Ingredientenan:

• Jerba di hole, un 18 blachi
• 2 liber di weso blanco
• 1 ciboyo grandi (corta chikito)
• 2 wortel mediano pa grandi (250gr)
• 1 bouillion carni -Reduced Soduim-
• 1 liber di batata corta den bloki mediano, ami ta prefera red potatoes riba esun hulandes

Laba e weso blanco cu vinager y lamoenchi. Pone esaki herbe den un wea di sopi cu 2 liter di awa hunto cu e bouillion, reduced soduim. Si abo no tin problema cu preshon bo por usa bouillion normal. Durante cu e weso ta herbe e ta saca vet. Saca esaki cu un cucharon. Despues di un ora y mei di herbe agrega e ciboyo y despues di mei ora agrega e wortel y batata. Ora esakinan bira moli agrega e blachi jerba di hole corta chikito. Lage herbe pa 10 minuut mas y bo ta cla.

 

Bon provecho

Classic Lasagna

E reseta aki ta pa un paar di amigonan cu tin un tiki preshon. Yes it's low sodium.

Ingredientenan:

• 400 gram carni mula sin vet
• mitar cup di ciboyo corta chikito (un cibiyo mediano)
• 2 teenchi konoflok
• mitar cup di wortel corta fini fini (usa un chopper)
• un bleki (15 ounce) Tomato sauce -NO SALT ADDED-
• un bleki (6 ounce) Tomato paste -NO SALT ADDED-
• un telep di "Italian seasoning", usa mrs Dash
• Un paki di lasagna noodles (usa banda di 9)
• 450 gram di Ricotta cheese -LIGHT- of Cottage cheese low fat
• 100 gram mozzarella cheese
• 30 gram Parmesan of Romano cheese
• un Webo
• Black pepper na smaak

Den un wea grandi hasa e carni mula hunto cu ciboyo, konoflok y wortel. S

aca e exceso di vet fo'i e wea. Tira den e wea e blekinan di Tomati, mitar cup di awa y black pepper na smaak. Lage e mescla cushina pa 15 minuut.
Herbe e lasagna conforme e indicacionan riba e paki.
Den un bowl bati e webo cu un whisk of forki. Agrega e ricotta cheese y mescla bon.
Usa un baki forno (9x13 inches) y hunta esaki cu olive oil. Pone 3 bladchi lasagna den e bom y usa un tercera parti di e mescla di keeshi. Pone un tercera parti di e mescla di carni mula y un tercera parti di mozzarella cheese. Hasi e layersnan aki dos biaha mas. Riba e delaster layer usa e parmesan cheese.

Hinka e baki den forno 375 grado pa ongeveer pa mei ora.

 

Pone garlic bread aserca y bo ta cla.

Enjoy

Coconut Shrimp

Como tur hende na Aruba ta papia tres of cuater idioma mi ta pone esaki mescos cu mi a hanje di mi Bro Jairo.

Coconut Shrimp ingredients list:

• 2 lb of fresh shrimp.
• 2 cups of flaked coconut.
• 1 cup of cornstarch.
• 1 cup of cream of coconut.
• 3 tablespoons of lime juice.
• Vegetable oil.

Instructions for Coconut Shrimp:

Peel the shrimp and coat each one with cornstarch.

Combine the cream of coconut and lime juice and dredge shrimp through this mixture.

Coat each piece of shrimp with flaked coconut.

Heat the vegetable oil in a deep skillet and fry until golden brown.