Tuesday, December 25, 2012

Crema di Pampuna

 

Ingredientenan:

·         1 siboyo mediano corta chikito
·         1 ½ kilo di pampuna corta na bloki chikito
·         300 gram di batata dushi corta na bloki chikito
·         2 cuchara di manteca
·         2 boullion di galiña of vegetal
·         Heavy cream
·         Kaneel
·         Salo y pepper na smaak
 
Corta e siboyo chikito y hasa esaki den manteca den un wea di sopi te ora e bira “translucent”. Agrega e batata dushi y pampuna na e siboyo. Tira kaneel, pepper y salo na smaak y cushina esaki pa 5 minuut. Agrega 6 cup di awa (1.5L), e boullion di galiña y laga tur cos cushina te ora e pampuna bira moli.
 
Uza un immersion blender pa blend e sopi te ora e cuminsa bira crema. Agrega heavy cream na final. E sopi no por herbe mas cu e heavy cream den dje.
 
Bo por uza un blender normal, pero mester hopi cuidou cu e sopi cayente.
 
Bon probecho..
 

Pernil al Horno

E receta aki mi a deriva for di un paar di receta di Puerto Rico y Cuba.

Ingredientenan:

  • Un pia di porco di mas o menos 5 kilo
  • Ongeveer 18 tenchi di conoflok
  • 4 cuchara di salo kosher
  • 2 telep di oregano na puiro
  • 3 cuchara di azeta di oleifi
  • 3 cuchara di binager blanco

Preparacion:

Den un pilon (mortar and pestle) machica e conoflok.

Pilon
Pilon
Agrega e salo, black pepper y e oregano. Mescla tur cos bon e y agrega e azeta di oleifi y binager.

Laba e pia di porco bon y haci un par di corta den e pia cu un cuchiu skerpi. Cu un cuchara chikito hinca e mescla di conoflok den e corta nan.

Tapa e pia cu celofan y hinca den frigidaire pa 12 ora of mas.

Horna e pia 5 pa 6 ora of te ora e cuero bira manera chicharon. Corta e cuero afo y slice e pia.

Sunday, December 9, 2012

Higra den Siboyo




E receta aki ta uno hopi facil.
 


 
Ingredientenan:

  • ·         2 liber di higra
  • ·         1 ½ copi di lechi
  • ·         ¼ copi di manteca
  • ·         2 siboyo grandi, preferibel “Sweet Onions”
  • ·         Hariña blanco, mas o menos un copi
  • ·         Salo y Peper na smaak

Laba e higra bou di awa y pone den un comchi cu e lechi. Laga e higra den lechi pa por lo menos 1 ora.  

Corta e siboyo na renchi tiki diki y hasa esaki den un planchi grandi cu 2 cuchara di manteca. Saca e siboyo for di e planchi y pone na banda. Agrega e resto di manteca den e planchi. Pasa  e higra den e hariña blanco (hunto cu salo y peper) y hasa esaki den e planchi. 

Agrega e siboyo y laga nan cushina pa 5 minuut mas.

Bon probecho


Bestia chikito stoba

Fin di aña ta yegando y tin nada miho cu bestia chikito stoba. Ami personalmente mi prefera un carne riba un cabrito, pero tur dos ta baha bon.

 
Ingredientenan:
  • ·         2 kilo di cabrito of carne
  • ·         2 siboyo mediano corta na bloki chikito
  • ·         3 taki di selder Mericano
  • ·         2 tenchi Conoflok corta fini
  • ·         1 promenton grandi  corta na bloki chikito
  • ·         4 wortel mediano corta ½ cm
  • ·         4  a 5 tomati corta na bloki of un bleki di “Diced Tomatoes”
  • ·         Adobo crioyo
  • ·         Conoflok na puiro
  • ·         Curry na puiro
  • ·         3 cuchara di Ketjap Manis
  • ·         2 telep of un cuchara Rucu (den boter)
 
Preparacion:
 
  • Laba e carne of cabrito den awa cu lamunchi y salo. 
  • Season e carne of cabrito cu  Adobo crioyo, conoflok na puiro y un tiki curry na puiro. 
  • Hasa e carni den un wea di hero cu azeta di oleifi te ora e cuminsa haya color. 
  • Agrega e conoflok corta fini, selder, promenton, siboyo y e wortel. Ora e siboyo cuminsa bira transparente agrega e tomati corta na bloki of e bleki di “Diced Tomatoes” . 
  • Tira dos cup di awa den e wea y agrega e rucu y e Ketjap manis.
  • Lage stoba pa mas o menos un ora y mei pa dos ora.
 
Enjoy esaki cu un bon pan bati y banana hasa.