Homemade Pasta

Esaki ta un receta hopi facil y por wordo traha den mitar ora. Ami ta uza Kitchenaid Standmixer pa hasi e trabou.

Ingredientenan:

• 3 webo grandi di galinja
• 1 cuchara di awa
• 3 cup di harinja blanco sefta
• un tiki salo 

Pone tur cos den comchi di e mixer y mix pa 1 minuut. Pone e dough hook y mansa pa mas o menos 2 minuut. Bolter e mansa riba e cuttingboard cu un tiki harinja riba dje. Mansa esaki na man pa 30 seconde y lage para pa 15 minuut.

Bo por uza un pasta extruder of pasta machine pa forma bo pasta.

Herbe e pasta pa 7 minuut den awa, salo y azeta di oleifi. 

Enjoy...

Coconut Shrimp

Como tur hende na Aruba ta papia tres of cuater idioma mi ta pone esaki mescos cu mi a hanje di mi Bro Jairo.

Coconut Shrimp ingredients list:

• 2 lb of fresh shrimp.
• 2 cups of flaked coconut.
• 1 cup of cornstarch.
• 1 cup of cream of coconut.
• 3 tablespoons of lime juice.
• Vegetable oil.

Instructions for Coconut Shrimp:

Peel the shrimp and coat each one with cornstarch.

Combine the cream of coconut and lime juice and dredge shrimp through this mixture.

Coat each piece of shrimp with flaked coconut.

Heat the vegetable oil in a deep skillet and fry until golden brown.

Galinja den binja "Coq au Vin"

E reseta aki mi a test siman pasa. E ta algo diferente y ta hopi bon.

Ingredientenan:

• un galinja hente, ongeveer 3 liber corta den 6 pida.
• 3 plak di bacon, corta chikito
• 10 cibiyo chikito "pearl onions"
• Azeta di oleifi
• 3 bay leaf
• 2 telep di thyme
  
• 2 teentje konoflok, corta chiki chiki
• Harinja blanco
• 1 cup di mushroom corta den cuater
• mitar cup di binja cora, usa un bon binja.
• un quart cup di lamoenchi
• Bouillon di galinja

Corta e galinja den 6 pida y labe bon den awa cu vinager of lamoenchi. Den un wea di hero pone 2 cuchara di azeta di oleifi kienta y agrega e bacon. Pasa e galinja den e harinja blanco. Ora e bacon hanja color agrega e galinja. Agrega e konoflok corta chikito. Hasa e galinja te ora e hanja un color bruin y agrega e mushroom y ciboyo. Agrega e lamoenchi y binja cora. Ora e cuminsa herbe agrega e bay leaf y bouillon di galinja. Lage cushina riba candela abou, ongeveer 45 minuut of ora e e sauce bira diki.

Corta un pan frances/ stokbrood den slice, hunte cu manteca "real butter" y hase den un planchi. Sirbi esaki cu e Coq au Vin y batata machica.

Enjoy.

BBQ saus Oriental

BBQ season ta na caminda. Esaki ta un BBQ sauce masha facil pa hasi y sin cu bo mester cushine. Enjoy.

Ingredientenan:

• 1/2 cup di ketchup
• 1/2 cup di corn syrup (bo ta hanje na Ling & Sons, usa esun lite)
• 1/4 cup di soy sauce, un bon marka manera esun ta wordo usa pa sushi.
• 5 pa 8 teentji konoflok, corta masha chikito mes
• 1/2 telep peper
• 1/2 telep Canela (Cinnnamon)
• 1/4 telep Anise seed
• 1/4 telep Clabo (cloves)

Mix e ingredientenan bon y lage para pa 2 ora den frigidaire.

Y si bo kier e un tiki pica, usa Madam Jeanette corta fini fini.

Enjoy.

Scampi

Scampi ta un cuminda hopi facil pa haci y tin diferente manera pa hasie. E receta akibou ta esun mas facil cu mi tin.

Ingredientes.

• 2 liber di cabaron cu cabez
• 6 cuchara di manteca
• 2 cuchura di olive oil
• 3 tenchi grandi di knoflook, corta chikito chikito
• 1/4 cup di parsley
• 3 cuchura di chives (ciboyin)
• Cayenne pepper na smak
• Salo y pepper na smak

Hasi e cabaron limpi lagando e cabez na dje. Season e cabaron cu salo, pepper y cayenne pepper na smak. Den un planchi di teflon pone e manteca, olive oil y knoflook hasa. No laga e manteca bira bruin of kima. Agrega e cabaron y laga hasa te ora e bira roos. Agrega e parsley y chives na final.

Wak bo tin suficiente stokbrood pa saboria e saus.

Bon provecho

Wonton Soup

No worry pa cumpra fried Wonton mas. Bo mes por hasie awor. E sopi aki ta masha facil pa hasie, ta solamente e trahamento di e Wonton ta tuma un tiki tempo.

Ingredientes:

• 150 gram di shrimp, sin cabes
• 100 gram di pork loin mula
• Un paki di wonton wrappers, pa e sopi aki bo mester di ongeveer 30
  
• 2 ciboyo chikito, corta fini fini
• 1 Bok-choy
• ¼ telep sesame oil
  
• 1 ½ cuchara di soy sauce
• 1 pida gember (gingerroot) di ongeveer 2 cm
• 1 liter di awa
• 2 bouillion vegetal of galinja
• ¼ telep di cornstarch (maizena)
  
• un tiki white pepper

Pa e sopi, pone 1 liter di awa herbe cu e gember, 1 cibyo corta chikito. Lage herbe riba candela abou pa mei ora. Agrega e bok choy

Combina e sesame oil, soy sauce y white pepper den un conchi. Agrega e cornstarch y lage disolve bon den e mescla. Corta e shrimp chikito chikito y agrege den e mescla. Agrega e pork loin mula y mescla tur cos bon.

Pone e wonton wrapper, e banda cu harinja abou, riba un cutting board. Agrega mei mei un telep di e mescla y seal e wonton door di muha bo dede cu un tiki awa. Tin diferente manera pa sera wonton. Usa e manera cu bo ta gusta mas.

Agrega e Wonton pa e sopi y lage cushina pa 5 minuut of te ora nan cuminsa float. Pone e Wonton soup den un bowl y garnish cu cibollin.

Bon Provecho.

Tempura batter

Pa esnan cu ta gusta come sushi, esaki ta un tempura batter masha facil pa hasi.

Ingredientes:

• 1 webo
• 1 cup di awa di ijs (friew friew)
• 1 cup di harinja blanco

Bati e webo den un conchi, agrega e awa friew den e conchi y mix e harinja poco poco. No overmix.

Usa e batter aki pa tempura shrimp, sweet potato y brocolli.

Bon provecho

Lomito den mushroom sauce

E receta aki ta pa 4 of 5 persona

Ingredientes

• 1 ½ liber di Lomito (bara)
• Shitaki mushroom
• Ciboyo
• un bleki di Cream of Mushroom
• Oyster sauce
• Peper fresco (peppermill)
• Salo Kosher (salo bruto)
• Azeta di Oliva

Corta e lomito den plaknan di 2 cm y season nan cu peper y salo.
Corta e Shitaki mushroom den repi. Corta e ciboyo den pida mediano.
Hasa e lomito den un tiki azeta di Oliva. Den mesun planchi bo ta hasa e ciboyo prome y despues bo ta tira e Shitaki mushroom den dje. Agrega 3 cuchara di Oyster Sauce y mescla den e mushroom y ciboyo. Agrega e cream of mushroom e draai e saus. Bo por tira un tiki awa den dje pa hasie e saus mas fini. Tira e lomitonan hasa den e saus y lage e cushina pa 3 minuut.

E cuminda aki ta bay bon cu batata machica of un batata horna (baked potato) y brocolli cu saus di keshi.

Bami Goreng

E receta aki ta pa 5 persona
Ingredientes

• 1 paki Bahmi noodles 500 gr
• ½ liber porkloin corta chikito
• ½ liber pecho galinja corta chikito
• Ketjap Manis
• Ketjap Asin
• Trassi
• 2 teentji knoflook corta chikito
• 1 ciboyo mediano corta chikito
• 2 wortel mediano raspa
• 1 paki bahmi groenten
• Azeta vegetal
• Garlic powder
• Sambal Oelek of Sambal Brandal
• Banana hecho
• Harinja Blanco
• Baking powder
• Suco (bruin)
• Vanilla

Herbe e bahmi noodles pa 10 minuut te ora e ta al dente. Season e porkloin y galinja cu garlic powder. Hasa e porkloin y e galinja cu un tiki azeta vegetal den un wea grandi di hero. Tira e knoflook, ciboyo y wortel raspa acerca. Lage e hasa pa ± 3 minuut. Tira e bahmi groente acerca y lage hasa un tiki, e awa di e groentemix mester evapora. Tira e trassi aden y zorg pa e trassi desolve bon. Tira ketjap asin y ketjap manis na smaak. Tira sambal oelek of sambal brandal acerca.
Den mesun wea cu bo a hasi e e porkloin y galinja bo ta cuminsa poco poco agrega e bahmi noodles. Ora e bahmi ta bon gemix bo ta tira Ketjap (Asin of Manis) acerca pa dune color y smaak.

Corta e banana na schijfjes. Den un comchi bo ta mix 1 tlp di baking powder, 6 cuchara di harinja blanco y 2 cuchara di suco bruin. Agrega 1 tlp vanilla. Agrega awa na e mix te ora e bira manera un batter/ papa. Tira e schijfjes di banana den e comchi y hasanan den azeta cayente.

Bo por pone acerca di cuminda aki Kroepoek.

Chimichuri

Chimichuri ta bai bon cu tur carni y hasta cu pan getoast mes.

Ingredientes:

• Parsley
• Cilantro (mitar di parsley)
• 2 pa 3 bladchi di oregano fresco (Arubiano)
• 3 pa 4 jalapenjo/ 1 pa 2 madam jeanette
• 1 ciboyo cora mediano
• 2 teenchi di konoflok
• 1/4 cup di red wine vinegar
• 3/4 cup di extra virgin olive oil
• salo y peper pa smak

Corta tur ingredientenan chikito of usa un foodprocessor pa hasi esaki. Anjadi e azeta y vinager y bo ta cla.

Onion soup / Sopi di ciboyo

Ingredientes

• 2 lbs di CiboyoManteca (125 gr)
• Boullion vegetal (2 ½ liter)
• Croutons
• Jongekaas slice
• Soy Sauce
• Corta e ciboyo na renchi.

Den un wea di sopi pone e manteca smelt y agrega e ciboyo corta. Lage hasa te ora e ciboyo bira translucent. Agrega e boullion vegetal cu tawata herbiendo caba. Lage cushina pa 10 minuut y agrega e soy sauce na smaak.Den un bowl of copi cu por bay den broiler bo ta basha e sopi, agrega e croutonsnan y tape cu dos slice di jonge kaas.

Pone e bowl of copi den broiler pa 2 @ 4 minuut.