Black Bean Garlic Beef

Experimenta cu diferente receta di diferente pais, Fusion Cuisine, ta un manera pa descubri smaaknan nobo.

Ingredientenan:

• 1 liber di lomito, corta na repi
• 2 taki di celder, corta den repi
• 100 gram di botton mushroom (mushroom blanco)
• 100 gram di wortel corta na repi
• 50 gram di ciboyin corta fini fini
• un cuchara di azeta di soya
• 2 cuchara di black bean sauce
• 1 cuchara di chili garlic sauce
• 1 cuchara di sesame oil

 

Preparacion:

1. Pa e receta aki mi ta uza un Wok pa cushina e lomito.
2. Pone e wok kienta riba candela halto, agrega e azeta di soya.
3. Agrega e lomito y e black bean sauce, cuchina te cu e ta casi cla.
4. Agrega e celder, mushroom, wortel y chili garlic sauce. Cushina te ora e carni ta cla.
5. Sprinkle e coboyin y sesame oil riba e carni.

 

Grouper Fillet Five Spice

Ora bo tin vakantie berdad bo hanja tempo pa lesa y experimenta cu cuminda. Esaki ta un receta hopi facil mes cu mi a hanja den Eating Well Magazine y mi a modifica'e.

Ingredientenan:

• 1 liber di grouper fillet
• un telep di Chinese five spice
• un kwart cup di low sodium soy sauce
• 3 cuchara di sucu bruin
• 2 cuchara di azeta di oleifi
• 3 ciboyin corta fini

Preparacion:

• Season e grouper fillet cu chinese five spice y pone un banda pa 15 minuut.
• Den un comchi bo ta pone e soy sauce y sucu bruin hunto y mescla esaki bon.
• Den un planchi di teflon/ anti stick bo ta pone e azeta di oleifi y laga kienta.
• Hasa e filletnan pa 3 minuut cada banda. 
• Baha e candela y agrega e mescla di soy y sucu bruin. 
• Laga esaki cushina te cu ora e liquido bira mitar of diki. 
• Agrega e ciboyin y enjoy.

Beef Asparagus

Esaki ta un receta masha fasil mes.

Ingredientenan:

• 750 gr Lomito (125 pa persona), corta fini fini, manera un cutsmall
• 750 gr Asparagus berde, corta den pida di 5 cm
• 3 teentje di konoflok, usa un garlic press pa corte chikito of hasie na man.
• 2 telep gember fresco, tambe pasa via un garlic press
• 4 cuchara di Soy Sauce -Reduced sodium- of -LITE-
• 3 cuchara di azeta vegetal
• 1 telep di Sesame oil, tene cuenta cu e azeta aki ta masha overheersend.
• 1 telep di Maizena/Cornstarch

 

Preparacion:

1. Den un baki di hero of glas pone e konoflok, gember, azeta vegetal y sesame oil hunto y mescla esaki. Agrega e Soy sauce mescla esaki bon. Pone e carni den e sauce aki y lage pa por lo menos mei ora.
2. Pone un wok kienta hunto cu 2 cuchura di Azeta di oleifi y ora e azeta ta cayente cayente. Hasa e lomito pa un minuut y pone na banda. Warda e mescla cu bo usa pa marina e carni.
3. Den e mesun wok agrega e asparagus y hasanan te pa 3 minuut ongeveer.
4. Agrega e Lomito na e asparagus
5. Agrega un telep di maizena den e mescla cu bo usa pa marina y agrega esaki na e asparagus. Lage cushina pa 2 minuut y ta cla.

Enjoy

Galinja Stoba cu Kool Chines

E reseta aki ta ora bo ta cushina 5 a 6 cuminda pareuw y tin biaha ta resta cierto ingredientenan y bo ta cuminsa expirementa. E reseta ta pa 4 hende

Ingredientenan:

• 12 drumsticks
  
• 2 paki di SAZON GOYA con culantro y anchiote
• 1 paki di SAZON GOYA picante (jalapeno y chipolte)
• 1 promenton mediano cora corta na bloki
• 1 promenton mediano berde corta na bloki
• 1 ciboyo dushi (sweet onion) corta na bloki
• 2 cup di baby carrots
  
• 2 cuchara di tomato paste
• Mitar kool chines
• 2 cuchara di oyster sauce
• 4 batata cora corta den cuater.

Season e galinja cu e akinan di goya y agrega azeta oleifi. Hasa e galinja den un wea di hero te ora nan hanja un tiki color. Agrega e ciboyo dushi, e promentonnan, batata cora y baby carrots. Laganan stoba pa 10 minuut y despues agrega e dos cucharanan di tomato paste y oyster sauce. Lage stoba pa 20 minuut y agrega e kool chines

Enjoy y bon provecho