Higra den Siboyo

E receta aki ta uno hopi facil.

 

 

Ingredientenan:

• ·         2 liber di higra
• ·         1 ½ copi di lechi
• ·         ¼ copi di manteca
• ·         2 siboyo grandi, preferibel “Sweet Onions”
• ·         Hariña blanco, mas o menos un copi
• ·         Salo y Peper na smaak

Laba e higra bou di awa y pone den un comchi cu e lechi. Laga e higra den lechi pa por lo menos 1 ora.  

Corta e siboyo na renchi tiki diki y hasa esaki den un planchi grandi cu 2 cuchara di manteca. Saca e siboyo for di e planchi y pone na banda. Agrega e resto di manteca den e planchi. Pasa  e higra den e hariña blanco (hunto cu salo y peper) y hasa esaki den e planchi. 

Agrega e siboyo y laga nan cushina pa 5 minuut mas.

Bon probecho

Bestia chikito stoba

Fin di aña ta yegando y tin nada miho cu bestia chikito stoba. Ami personalmente mi prefera un carne riba un cabrito, pero tur dos ta baha bon.

 

Ingredientenan:

• ·         2 kilo di cabrito of carne
• ·         2 siboyo mediano corta na bloki chikito
• ·         3 taki di selder Mericano
• ·         2 tenchi Conoflok corta fini
• ·         1 promenton grandi  corta na bloki chikito
• ·         4 wortel mediano corta ½ cm
• ·         4  a 5 tomati corta na bloki of un bleki di “Diced Tomatoes”
• ·         Adobo crioyo
• ·         Conoflok na puiro
• ·         Curry na puiro
• ·         3 cuchara di Ketjap Manis
• ·         2 telep of un cuchara Rucu (den boter)

 

Preparacion:

 

• Laba e carne of cabrito den awa cu lamunchi y salo. 
• Season e carne of cabrito cu  Adobo crioyo, conoflok na puiro y un tiki curry na puiro. 
• Hasa e carni den un wea di hero cu azeta di oleifi te ora e cuminsa haya color. 
• Agrega e conoflok corta fini, selder, promenton, siboyo y e wortel. Ora e siboyo cuminsa bira transparente agrega e tomati corta na bloki of e bleki di “Diced Tomatoes” . 
• Tira dos cup di awa den e wea y agrega e rucu y e Ketjap manis.
• Lage stoba pa mas o menos un ora y mei pa dos ora.

 

Enjoy esaki cu un bon pan bati y banana hasa.

Galinja cu Petit Pois

Despues di basta tempo mi ta post algo nobo riba e blog aki. Esaki ta un receta hopi facil y liher pa traha.

Ingredientenan:

• 4 filet di pecho di galinja
• 200 gram di Snow peas
• 300 gram di Petit Pois frozen (doperwten)
• 2 cuchara di azeta di Oliefi
• 2 telep di mosterd
• un paar di taki di parsley
• ½ bloki bouillon di Galinja
• 200 ml di slagroom
• Salo y pepper na smaak

Preparacion:

• Laba e snowpeas bon. 
• Season e pecho di galinja cu salo y pepper na smaak. 
• Hasa e galinja den e azeta di oliefi pa mas o menos 2 minuut pa banda.
• Anjadi 125 ml awa (mitar cup),  200 ml slagroom, ½ bloki bouillon y parsley na e galinja. 
• Ora e cuminsa cushinà anjandi e doperten, lage cushinà pa 6 pa 9 minuut y despues anjadi e snowpeas y 2 telep mosterd lage cushinà pa 3 minuut.
• Herbe aros blanco y enjoy..