Friday, March 28, 2008

Cibojo pika - Tempera

E ciboyo pika ta bai bon cu pisca hasa of use pa tempera ham, spam y seafood

Ingredientenan
  • 3 ciboyo mediano cora
  • un of dos tenchi knoflok
  • Awa cayente
  • Essencia di Vinager
  • Madam Jeanette
  • Sucu y salo na smaak

Corta e ciboyo den renchi of chikito depende bo smaak. Corta e knoflok masha chikito. E madam Jeanette ta wordo corta chikito chikito of grandi si bo ta pensa di sake despues pa no hasie mucho pika. Mescla e ciboyo, knoflok y pika den un bowl di plastic of glas agrega e salu y sucu. E verhouding di vinager pa awa cayente ta ongeveer 1:8. Bo por hunga cu verhouding si bo kier e zuur mas skerpi of menos zuur.

Si bo ta bay tempera ham of spam bo ta agrega un paar di clabo aden. Si bo ta tempera pisca (hasa) pone dos bladchi di laurel y un paar di clabo aden.

Bon provecho

2 comments:

Anonymous said...

Hopi danki...Asina mi ta corda con mi tata tabata traha su saus pika...e tabata us'e riba piska hasa....mi kasa mexicano ta us'e riba tur cuminda...hahaha!!! Anyway...mi no ta sigur si botter di plastiek lo ta bon pa usa ku awa cayente...nan ta bisa pa no usa plastiek den micro. Bo kier check e info ey??? S
Saludos for di Florida...Agnes

Sharon said...

Thanks pa e recept. Boterdi pika ta kla :)
Semper ta mihor pa huza boter di glas.