Sunday, July 12, 2015

Black Bean Garlic Beef

Experimenta cu diferente receta di diferente pais, Fusion Cuisine, ta un manera pa descubri smaaknan nobo.

Ingredientenan:

  • 1 liber di lomito, corta na repi
  • 2 taki di celder, corta den repi
  • 100 gram di botton mushroom (mushroom blanco)
  • 100 gram di wortel corta na repi
  • 50 gram di ciboyin corta fini fini
  • un cuchara di azeta di soya
  • 2 cuchara di black bean sauce
  • 1 cuchara di chili garlic sauce
  • 1 cuchara di sesame oil
 

Preparacion:

  1. Pa e receta aki mi ta uza un Wok pa cushina e lomito.
  2. Pone e wok kienta riba candela halto, agrega e azeta di soya.
  3. Agrega e lomito y e black bean sauce, cuchina te cu e ta casi cla.
  4. Agrega e celder, mushroom, wortel y chili garlic sauce. Cushina te ora e carni ta cla.
  5. Sprinkle e coboyin y sesame oil riba e carni.

 

Sunday, July 5, 2015

Mango BBQ sauce

BBQ ta un cuminda cu mi gusta hasie cada chens cu mi por hanja. Savaneta ta conoci pa mata di mango y door di esei mi ta traha un BBQ sauce cu e mango hecho.

Ingredientenan:

  • 2 cup di BBQ sauce di e marca cu bo ta gusta
  • mitar cup di juice di appelsina
  • mitar cup di honing di Aruba
  • mitar cup di sucu bruin
  • 2 mango hecho, corta chikito
  • un cuchara di manteca
  • 3 teenchi di konoflok corta chikito
  • 1 ciboyo dushi corta fini fini

 

Preparacion:

  • Den un wea di hero pone e manteca smelt y agrega e ciboyo y konoflok cushina. No laga e konoflok kima of bira bruin scur. 
  • Agrega e mango corta chikito  y cushina pa 3 minuut mas. 
  • Agrega e juice di appelsina, BBQ sauce, honing y  sucu bruin. 
  • Cushina esaki te ora e sauce bira diki bek. 

 

Enjoy…..

Saturday, June 6, 2015

Giambo of Jambo

Giambo ta un cuminda tradicional di Antiyas. Tin diferente manera di traha giambo y tur ta dushi.

Ingredientenan:

  • 1 liber di Carnisa,
  • 2 liber di pisca fresco manera mulato of pisca cora, corta na bloki chikito,
  • 1/2 liber di shrimps,
  • 3 liber di Giambo, corta den rondo,
  • Yerba di hole,
  • 1 ciboyo grandi, corta na bloki chikito,
  • Salo y peper na smak

Preparacion:

  • Pone e carnisa un anochi prome den awa. Si no tin tempo pa pone e carnisa un dia promer, djies herbe e carnisa, cambia e awa y herbe un biaha mas hunto cu e ciboyo y yerba di hole.
  • Agrega e pisca y shrimps ora e carni ta moli.
  • Agrega e giambo y cushina te ora e mara.

Saturday, May 16, 2015

Beef Stroganoff

Cutsmall di carni ta masha versatíl pa usa den cushina. E receta aki ta keda cla den menos cu mei ora.

Ingredientenan:

  • 2 liber di beef cutsmall, por usa lomito corta den repi fini,
  • 3 ciboyo (sweet onion) corta na repi,
  • 250 gram di mushroom blanco (button mushroom),
  • 2 cuchara di boter,
  • 2 cuchara di hariña,
  • 1 telep di mustard na puiro,
  • 1 cup di bouillon di carni,
  • 4 cuchara grandi di sour cream,
  • 3 cuchara di azeta di Oleifi,
  • Salo y peper na smaak.

Preparacion:

  • Sasona e carni cu salo y peper. Den un wea di hero kienta e azeta y agrega e carni.
  • Agrega e ciboyo na e carni y cushina te ora e ciboyo cuminsa bira moli.
  • Agrega e mushroom y cushina esaki pa 5 minuut mas. Pone e wea un banda.
  • Den un wea mediano pone e boter kienta. Agrega e mustard y hariña. Mix esaki cu un “wire whisk” pa mas o menos un minuut. Añadi e bouillon di carni y keda mix e sous contantemente te ora e cuminsa bira diki. 
  • Agrega e sour cream y mix bon.
  • Drecha e saus cu salo y peper na smaak.
  • Basha e saus den e wea cu e carni y mix bon. Lage cushina, pero no lag’e herbe.

Friday, May 15, 2015

Teriyaki-Ginger Beef cutsmall

Cutsmall di carni ta masha versatíl pa usa den cushina. E receta aki ta keda cla den menos cu mei ora.

Ingredientenan:

  • 2 liber di beef cutsmall, por usa lomito corta den repi fini.
  • 1/2 liber di broccoli
  • 1 ciboyo dushi (sweet onion) corta den repi grandi
  • 1 bleki di baby corn, corta den largo
  • 1/2 liber di snowpeas
  • 100 ml  di Teriyaki
  • 125 ml di Hoisin sauce
  • 2 cuchara (30 ml) Mirin, biña di aros
  • 25 gram di Ginger (jengibre) raspa  fini 
  • 1 cuchara di azeta 
  • Salo y pepper na smak

Preparacion:

  • Den un comchi agrega teriyaki sauce, hoisin sauce y mirin. Mix esakinan bon den otro.
  • Sasona e carni cu salo y peper.
  • Pone den un wok e azeta keinta y hasa e carni den porcionnan chikito te ora nan bira bruin. Pone e carni un banda.
  • Den mesun wok agega un tiki azeta mas y hasa e ciboyo hunto cu e broccoli te ora e broccoli bira un tiki moli.
  • Agrega e carni, snow peas y baby corn na e wok. Laganan cushina pa 3 minuut. 
  • Añadi e sauce mix y cushina pa 2 minuut mas.

E plato aki ta bon cu aros blanco.

Thursday, May 14, 2015

Stamppot di Boerenkool

Stamppot ta un cuminda tradicional di Hulanda. Stamppot ta un combinacion di batata machica cu un otro vegetal den dje. Den receta aki mi ta uza boerenkool, of mihor conoci kale, cu na Aruba no ta wordo hopi uza.

Ingredientenan:

  • 2 rookworst di 275 gram,
  • 1 1/2 liber di boerenkool corta fini,
  • 2 kilo di batata, pela y corta na bloki,
  • 75 gram di manteca (roomboter),
  • 1/2 liter di lechi
  • Salo y peper blanco na smaak.

     

Preparacion:

  • Laba e boerenkool bon y corte fini fini.
  • Den en wea grandi pone e boerenkool herbe cu salo. 
  • Agrega e batata y rookworst riba e boerenkool y herbe esakinan pa 25 minuut.
  • Saca e rookworst afor, añadi e manteca na e wea y cuminsa machica. Añadi poco poco e lechi na e batata cu boerenkool te ora bo haña e consistencia desea.
  • Corta e rookworst den schijfjes y sirbi’e hunto cu boerenkool/batata machica.

Bon probecho.

Wednesday, May 13, 2015

Galiña Marokí

E receta aki mi sa hasie den temporada di pasco, mas tanto riba noche buena.

Ingredientenan:

  • 1 galiña henter corta na bloki
  • 2 teenchi di konoflok, corta chikito
  • 2 taki di celder corta na bloki
  • 1 ciboyo corta na bloki
  • 1 bleki di tomati corta den bloki
  • 10 pruim sin simiya
  • 1 bouillon di galiña (mitar liter awa)
  • 1 telep di kaneel
  • 2 wortel corta mas o menos 1 cm diki
  • 1 telep di puiro di paprika cora
  • 1 1/2 telep di comino
  • 1 telep di puiro di oregano
  • Juice di un lamoenchi
  • 1/2 telep di puiro di turmeric 


Preparacion:

  • Sasona e galiña cu salo y pepper. 
  • Den wea di hero hasa e galiña den azeta di oleifi te ora e ta casi cla. 
  • Saca e galiña for di e wea y pone un banda. Den mes wea agrega un tiki azeta di oleifi mas y hasa e ciboyo, konoflok, wortel y celder te ora e cibiyo bira tranparente. 
  • Agrega e juice di lamoenchi, comino, turmeric, oregano, paprika y kaneel den e wea. 
  • Añadi e bleki tomati y bouillon na e wea. 
  • Lage cushina pa 10 minuut y agrega e galiña. 
  • Lage cushina pa 15 minuut mas.

Bon probecho.

Tuesday, May 5, 2015

Sopi Mondongo II (Pia cu Mondongo)

Na maart 2008 mi a post e receta aki usando wea di steam pa hasi e mondongo moli. E receta aki ta uno cu no ta uza wea di steam pero e sopi ta keda cushina te ora e mondongo bira moli moli.

Ingredientenan:

  • 1 liber di weso blanco
  • 1 liber di pata di baca
  • 1 liber di mondongo
  • 1 liber di batata dushi
  • 1 liber di pampuna
  • 4 mashi dushi (corn on the cob)
  • 1/2 liber di yuca
  • 2 banana casi full hecho.
  • 2 stek di celder
  • 2 ciboyo mediano
  • 4 bouillon di carni
  • 4 bouillon di vegetal

Preparacion

  1. Laba e weso blanco y pata di baca den awa cu lamoenchi.
  2. Laba e mondongo den awa cu vinager y lamoenchi. Hasi esaki dos pa tres biaha.
  3. Corta e mondongo den e grandura desea. Ami prefera esaki den repi di 1/2 centimeter.
  4. Den un wea di 8 liter pone 4 liter herbe. Agrega e bouillonnan, weso blanco y pata di baca. Laga esaki herbe pa ongeveer 2 ora. Corda controla e wea y si mester añadi mas awa.
  5. Corta e celder y ciboyo den dow chikito y agrega esaki na sopi.
  6. Corta e tuza di maishi den 4  y agrega esaki na e sopi.
  7. Agrega e e mondongo na e sopi y laga esaki herbe pa un ora. 
  8. Pela y corta e batata dushi, pampuna y yuca den dow di 2 centimeter. 
  9. Pela y corta e banana den rondo.
  10. Agrega mitar di e berduranan na e sopi y lage esakinan larga den e sopi.
  11. Check e smaak di sopi y si mester agrega un bouillon mas.
  12. Ora e mondongo bira moli agrega e resto berduranan den e sopi. Lage esakinan herbe pa 20 minuut of te ora e berduranan a bira moli.